#विविध मान्यवरांची उपस्थिती!
संदेश क्रांती न्यूज :
खानापूर ( सुहास पाटील )
पारवाड ( ता. खानापूर ) येथे सालाबाद प्रमाणे यंदा ही विश्व शांती दूत श्री श्री श्री सदगुरु पारवडेश्वर मठात दत्त जयंती उत्सव मोठ्या उत्साहात शनिवारी दि.१४ डिसेंबर रोजी साजरा होत आहे.
या कार्यक्रमाचा समारोप रविवारी दि. १५ डिसेंबर रोजी होणार आहे. या उत्सव काळात दि १० डिसेंबर पासून श्री कीर्तिकुमार कुलकर्णी यांचे गुरू चरित्र पारायण सुरू असून दत्त जन्मोत्सव शनिवारी दि .१४ डिसेंबर रोजी दुपारी साजरा होत आहे. या कार्यक्रमासाठी कैलाशजी महाले प्रभारी अधीक्षक धर्मादाय आयुक्तालय मुंबई तसेच अखिल भारतीय मराठा महासंघाचे राष्ट्रीय उपाध्यक्ष श्री बाळासाहेब अमराळे पुणे, आमदार विठ्ठल हलगेकर व माजी आमदार , एआयसीसीच्या सेक्रेटरी डॉ अंजली निंबाळकर उपस्थित रहाणार आहेत. तसेच रविवारी दि .१५ डिसेंबर रोजी दत्त याग होईल आणि कार्यक्रमांची सांगता होईल.
मठाधीपती श्री श्री श्री भाऊंमहाराज यांनी सांगितले कि या उत्सवाच्या निमित्ताने जगाच्या कानकोपऱ्यातून हजारो भाविक भक्त श्री क्षेत्र सुवर्ण धाम पारवड या अतिशय पवित्र तपो भूमीत उपस्थिती दाखवतात. या वर्षी ही भजन, दिंडी, पालखी तसेच महाप्रसाद व आशीर्वाद याचा लाभ भाविक भक्तांनी उपस्थित राहून घ्यावा असे आवाहन केले.
बेळगांव येथे कर्नाटक राज्य हिवाळी अधिवेशन चालू असल्याने शनिवार व रविवारी या कार्यक्रमाला विशेष अतिथी म्हणून काही मंत्रीगण उपस्थिती रहाणार असल्याच सद्गुरु भाऊ महाराज यानी सांगीतले.
