संदेश क्रांती न्यूज :

शिक्षकाना विद्यार्थ्याचा चेहरा वाचता आला पाहिजे! मालोजी अष्टेकर.

खानापूर (सुहास पाटील )
शिक्षकानी विद्यार्थ्याना पुस्तकी ज्ञान देण्या अगोदर विद्यार्थ्याचा चेहेरा वाचता आला पाहिजे. कारण समाजात शिक्षकाला सगळ्याहुन वेगळ स्थान आहे. तेव्हा विद्यार्थी घडविताना विद्यार्थ्याच्या परिस्थितीची जाणीव करून आदर्श विद्यार्थी घडविले .तर विद्यार्थ्यात शिक्षक आदर्श राहतो. याच शिक्षकाना आदर्श शिक्षक म्हणतात,ऐवढेच नव्हे तर सेवानिवृत्ती नंतर ही विद्यार्थ्याच्या नजरेत आदर्श शिक्षकच दिसला पाहिजे. अशा गुणी शिक्षकाचा सन्मान करणे हे कर्तव्य समजुन खानापूर म ए समितीच्या वतीने तालुक्यातील तालुका ,जिल्हा आदर्श शिक्षकांचा तसेच तालूका आदर्श शाळाचा सन्मान केला.याचा मला अभिमान वाटला असे विचार मध्यवर्ती म ए समितीचे सरचिटणीस व माजी महापौर मालोजी अष्टेकर यानी रविवारी शिवस्मारकात आयोजित सत्कार सोहळ्यात बोलताना व्यक्त केले.
कार्यक्रमाच्या अध्यक्षस्थानी खानापूर तालुका म ए समितीचे अध्यक्ष गोपाळ देसाई होते.
व्यासपीठावर माजी आमदार म ए समितीचे कार्या अध्यक्ष मनोहर किणेकर, खजिनदार प्रकाश मरगाळे ,शंकर पाटील निडगल, मारूती परमेकर,उपस्थित होते.
प्रास्ताविक व स्वागत आबासाहेब दळवी यानी केले.तर उपस्थित मान्यवरांच्याहस्ते दीपप्रज्वलन करण्यात आले.
यावेळी तालुक्यातील ज्या शिक्षकाना जिल्हा आदर्श शिक्षक पुरस्कार मिळाले ते एम एम देवकरी मणतुर्गा शाळा,डी एम देसाई गुंडपी शाळा , भुजंग गावडे गवळीवाडा शाळा, व सौ. संध्या बेनचीकर कन्या विद्यालय नंदगड, तसेच तालुका आर्दश शिक्षक टी आर गुरव,कसबा नंदगड, सौ . एम आर पाटील , व्ही एफ सावंत, तसेच तालुका आदर्श शाळा पुरस्कार मिळालेल्या शाळ उच्च प्राथमिक मराठी शाळा कुप्पटगिरी,उच्च प्राथमिक मराठी शाळा अबनाळी,उच्च प्राथमिक मराठी शाळा चिखले आदीचा पाहुण्याच्याहस्ते शाल,मानचिन्ह,पुष्पहार,व श्रीफळ देऊन सत्कार करण्यात आला.
यावेळी माजी आमदार मनोहर किणेकर,पांडुरंग सावंत, मारूता परमेकर आदीनी विचार व्यक्त केले. तर सत्कारमुर्तीनी आपले मनोगत व्यक्त केले.

कार्यक्रमाचे सुत्रसंचालन व आभार सचीव आबासाहेब दळवी यानी मानले.