#मंगळवार दि.६ ते शनिवार दि.१०मे पर्यत!

संदेश क्रांती न्यूज :

खानापूर ( सुहास पाटील )
चिखले ( ता. खानापूर ) गावचे ग्रामदैवत श्री सातेरी केळबाय देवी व प्रभू श्री रामलक्ष्मण,सीता ,हनुमान आणि पाषाणरूपी देवी देवतांची प्राणप्रतिष्ठापणा सोहळा मंगळवारी दि.६ मे ते शनिवारी दि.१० मे पर्यत होणार आहे.
अशी माहिती चिखले गावचे सामाजिक कार्यकर्ते प्रकाश बाबली गावडे (व्यवसायीक पूणे) यानी चिखले येथे बोलविलेल्या पत्रकार परिषदेत बोलताना दिली.
यावेळी देवस्थान कमिटीचे अध्यक्ष दत्ताराम पाटील, उपाध्यक्ष सोमन गावडे,अंकुश पाटील ,बारकू गावडे,माजी ग्राम पंचायत सदस्य आप्पाना गावडे,गुंडू गावडे,धाना चौगुले ,श्रीकांत हरिजन आदी उपस्थित होते.
यावेळी बोलताना सामाजिक कार्यकर्ते प्रकाश बाबली गावडे म्हणाले चिखले गावात गावकर्याच्या मदतीतुन जवळपास दीड कोटीचे नुतन मंदिर उभारण्यात आले आहे.
गावच्या माहेरवासीनीकडुन १० लाख रूपयाची मदत केली आहे.
गावातील नोकरवर्ग बाहेर गावी नोकरीच्या निमित्ताने असलेल्यानी ही लाखो रूपयाची मदत देऊ केली आहे.
मंदिर उभारताना गावकर्यानी श्रमदानातुन मदत केली आहे.त्यामुळे आज कोट्यावधी रूपयाचे मंदिर उभारण्यात आले आहे. अशी माहिती दिली.
मंदिराच्या उद्घाटनाला गोव्याचे मुख्यमंत्री डाॅ. प्रमोद सावंत व सौ.सुलोक्षणा सावंत भाजप महिला मोर्चा प्रभारी गोवा याची उपस्थिती राहणार आहे.
खासदार विश्वेश्वर हेगडे कागेरी,आमदार विठ्ठल हलगेकर,माजी आमदार अरविंद पाटील ,भाजप जिल्हा उपाध्यक्ष प्रमोद कोचेरी,अमृतलाल परिहार ,हाॅटेल व्यवसायिक प्रकाश गावडे,आदी मान्यवर उपस्थित राहणार आहेत.
तरी सोहळ्याला सर्वानी मोठ्या संख्येने उपस्थित राहावे .असे आवाहन करण्यात आले आहे.