संदेश क्रांती न्यूज :
खानापूर प्रतिनिधी
कौंदल ( ता.खानापूर ) गावचे सुपूत्र व करंबळ ग्राम पंचायतीचे सदस्य ,भाजपचे जेष्ठ कार्यकर्ते उदय नारायण भोसले ( वय ४३) यांचे सोमवारी सायंकाळी सहाच्या सुमारास पणजी बेळगाव महामार्गावरील देसूर जवळ दुचाकी आपघातात मृत्यू झाला.
पणजी बेळगाव महामार्गावरू जात़ असताना देसुर नजीक हायवे ब्रीजवर एका कारने ठोकरल्याने ते जागीच ठार झाले. तर त्याच्या सोबत दुचाकीवर मागे बसलेले करंबळ गावचे भारतीय जवान प्रशांत पाटील हे जखमी झाले आहेत.
उदय भोसले हे भाजपचे सक्रिय नेते ते गेल्या चार वर्षापासुन ग्रामपंचायतीचे सदस्य म्हणून त्यानी गावच्या विकासात प्रगती साधली होती.
त्याच्या सोबत असलेले भारतीय जवान प्रशांत पाटील ( वय.४१) याना तातडीने उपचारासाठी बेळगावला पाठविले.
घटनेची माहिती मिळताच आमदार विठ्ठल हलगेकर,भाजपचे नेते प्रमोद कोचेरी,गुंडू तोपिनकट्टी,मल्लापा मारीहाळ,भरमाणी पाटील,राजू सिध्दानी घटना स्थळी धाव घेतली.
उदय भोसले यांच्या पश्चात पत्नी ,मुले ,बहिणी असा परिवार आहे.
त्यांच्या अपघाती निधनाने कौंदल गावावर शोककळा पसरली आहे.
